Gjykata Kushtetuese vendos masë të përkohshme për dekretin e shpërndarjes së Kuvendit

Gjykata Kushtetuese e Republikës së Kosovës ka vendosur një masë të përkohshme deri më 31 mars 2026, lidhur me dekretin e Presidentes Vjosa Osmani për shpërndarjen e Kuvendit të Kosovës. Ky vendim është marrë pas kërkesës nga Qeveria e Kosovës, e cila ka kontestuar kushtetutshmërinë e dekretit, duke theksuar se ekziston një rrezik real për pasoja faktike dhe institucionale në rast se akti i kontestuar nuk është në përputhje me Kushtetutën. Qeveria ka paralajmëruar se fillimi i procedurave për zgjedhje do të sjellë një sërë veprimesh që do ishte e vështirë të riktheheshin në gjendjen e mëparshme.